БАЭУнун президенти, доктор Жон Росслин Кларк жана башкы калыс, SAP боюнча фрилансер-кеңешчи, IT-консультант жана адис Карлос Буэно Оркахо, ошондой эле Гуманитардык илимдер институтунун деканынын орун басары, «Оратордук чеберчилик» курсу боюнча окутуучу Максакова Алёна Евгеньевна куттуктоо сөздөрү менен кайрылышты. Өз сөзүндө Алёна Евгеньевна:«Сиз ким экениңизден көз карандысыз, добушуңуз жана идеяларыңыз аркылуу чоң өзгөрүүлөргө дем бере аласыз. Ар бир адамдын айтып бере турган өзгөчө окуясы бар, ал эми Бүткүл дүйнөлүк сүйлөө күнү – бул ар бир адамдын потенциалын ачып, уникалдуу тажрыйбасы менен бөлүшүү мүмкүнчүлүгү» — деп белгиледи.

БАЭУнун студенттери жана окутуучулары “Лингвистика. Англис тили”, “Педагогика” жана “Бизнес-администрирование” багыттарынын студенттеринин баяндамаларын чоң кызыгуу менен угушту. Жыйынтыгында калыстар тобу жеңүүчүлөрдү аныктады:

🥇 1-орун — Солпуева Зарина, LNG120, "Make Your Own Decisions" аттуу баяндамасы менен.

🥈 2-орун — Савитта Бунлиан, BA122, "A Trip to Thailand".

🥉 3-орун — Чыныбекова Гулжан, LNG120, "The Oscar Award Acceptance".

Бардык катышуучуларга жана жеңүүчүлөргө сертификаттар тапшырылды.

Бүткүл дүйнөлүк сүйлөө күнү (World Speech Day) — бул ар бир адамдын жашоосунда сөздүн маанисин белгилеп, анын дүйнөнү оң өзгөртүүгө кудурети бар экенин көрсөтүүгө арналган күн. Бул күн бизди сөздөрүбүз үчүн жоопкерчиликтүү болууга чакырып, алар айланадагыларга канчалык таасир этерин эске салат.

Бул күнү дүйнөнүн төрт бурчунан келген адамдар ар кандай темаларда: саясат, илим, маданият, социалдык маселелер жана башка тармактар боюнча коомчулук алдында чыгып сүйлөшөт. Иш-чаранын максаты — билим берүүнү, маданиятты жана демократияны өнүктүрүү, ошондой эле сабаттуулукту жана өз оюн так жана эркин билдире билүү жөндөмүн жогорулатуу.

Бүткүл дүйнөлүк сүйлөө күнү 2016-жылы Улуу Британияда негизделип, ошондон бери дүйнө жүзү боюнча кеңири колдоого ээ болуп келет. Бүгүнкү күндө бул күндү 100дөн ашуун өлкөнүн өкүлдөрү белгилешет, 3000ден ашык иш-чара өтөт. Ар кандай социалдык катмардагы адамдар өз таасирдүү баяндамалары менен #unexpectedvoices жана #worldspeechday ураандарынын алкагында коомду шыктандырышууда.