МУЦА Дүйнөлүк жогорку билим берүү базасына (World Higher Education Database – WHED) киргизилген. МУЦА жана ГТКнын бардык академиялык программалары EdNet агенттигинде үзгүлтүксүз аккредитациядан өтүп турат. EdNet агенттиги Азия–Тынч океан аймагындагы сапатты камсыздоо боюнча тармактын — Asia-Pacific Quality Network (APQN), ошондой эле Жогорку билим берүүнүн сапатын камсыздоо боюнча Европа ассоциациясынын — ENQAнын толук кандуу мүчөсү болуп саналат.

2025-жылы EdNet агенттиги АКШдагы Жогорку билим берүүнү аккредитациялоо боюнча кеңештин — CHEAнын (Council for Higher Education Accreditation) биринчи жана азырынча жалгыз эл аралык мүчөсү болду. CHEA АКШдагы эң таасирдүү аккредитациялоочу уюм болуп эсептелет. Ошентип, МУЦАнын диплому эл аралык макамга ээ.