Борбордук Азия Эл аралык университетинин «Эл аралык мамилелер» билим берүү программасынын студенттери «Ар түрдүүлүктөгү биримдик» (Unity in Diversity) аттуу бир күндүк тренингге катышты.

Иш-чаранын жүрүшүндө катышуучулар чакырылган эксперттер менен биргеликте ачык диалогдун маанисин, ар кандай көз караштарды жана маданияттарды урматтоону, ошондой эле түрдүү коомчулуктардын өкүлдөрүнүн ортосунда өз ара түшүнүшүүнү бекемдөө жолдорун талкуулашты.

Тренинг эл аралык мамилелер тармагындагы болочок адистер үчүн маанилүү болгон маданияттар аралык баарлашуу, конструктивдүү диалог жүргүзүү жана өз ара сый-урматка негизделген кызматташуу көндүмдөрүн өнүктүрүүгө өбөлгө түздү.