2025-жылдын 1-ноябрында Эл аралык Борбордук Азия Университети англис тили мугалимдеринин кесиптик өнүгүүсүнө арналган “Current Trends in Teaching English: Best Practices for Schools and Universities” аттуу семинар-тренингди өткөрдү. Бул иш-чараны «Лингвистика. Англис тили» программасы уюштурду.

Семинардын максаты – англис тили мугалимдеринин кесиптик компетенциясын жогорулатуу, мектептер, университеттер жана тил борборлору ортосунда кызматташууну чыңдоо, ошондой эле МУЦАнын жаңы билим берүү парадигмасын жайылтуу болду.Бул парадигма «Перевёрнутый класс» (Flipped Classroom) жана «Вопрошание» (Questioning Approach) ыкмаларына негизделет. Бул ыкмалар студенттердин сыни ой жүгүртүүсүн, өз алдынча иштөөсүн жана суроо берүүнү үйрөнүүсүн өнүктүрөт — XXI кылымдын негизги көндүмдөрүнүн бири.

Семинарды «Лингвистика. Англис тили» программасынын башчысы, п.и.к. Алена Максакова ачып берип, азыркы мугалим билим берүүчү гана эмес, студенттерди шыктандыруучу жана жол көрсөтүүчү болушу керектигин белгиледи.

Иш-чарага Токмок, Бишкек жана жакын шаарлардан келген 50дөн ашык мугалим жана окутуучу катышты. Семинардын негизги спикери – доктор Деннис Бриколт (Dr. Dennis Bricault), Fulbright программасынын стипендиаты, Норт-Парк университетинин (Чикаго, АКШ) профессору жана МУЦАнын «Лингвистика. Англис тили» программасынын окутуучусу болду. Ал «The First Five Minutes: Warmers for ESL Classes» аттуу сессиясында сабактын алгачкы мүнөттөрүн кантип эффективдүү пайдаланып, студенттерди кызыктыруунун жана мотивация берүүнүн жолдорун көрсөттү. Деннис Бриколттун мастер-классы семинардын бүтүндөй күнүна шыктануу жана энергия тартуулады.

Семинарда МУЦАнын окутуучулары жана конок-тренерлер дагы өз тажрыйбалары менен бөлүшүштү:

• Берлин Барнетт (Berlin Barnett) — The Importance of Spaced Repetition in Improving English Retention

• Лейла Серикова (Leila Serikova) — Questioning Strategies: Encouraging Students to Ask Questions

• Ловина Абоки (Lovina Aboki) — Switching Seats: Experiencing Modern Classroom Interaction as a Learner

• Айжан Эшимбекова (Aizhan Eshimbekova) — Flipped and Blended Learning in English Teaching: Bridging School and University Classrooms

• Игорь Миясаров (Igor Miyasarov) — Integrating AI into Students’ Self-Study: Experience from St. Louis Community College, USA

Ар бир сессия теория менен практиканы айкалыштырып, катышуучулар өз сабактарында дароо колдонууга боло турган ыкмаларды жана жаңы идеяларды алышты.

Катышуучулар иш-чаранын жогорку деңгээлде уюштурулганын жана темалардын практикалык маанисин белгилешти. Бардык мугалимдер кесиптик өнүгүү сертификаттарын алышты.

Семинар тажрыйба алмашуу жана шыктануу үчүн маанилүү аянтча болуп, МУЦАнын жаңы билим берүү модели – активдүү окутуу, кызматташтык жана англис тили мугалимдеринин кесиптик коомчулугун өнүктүрүү багытында маанилүү кадам болду.