2025-жылдын 23-апрелинде БАЭУнун «Эл аралык мамилелер» багытынын студенттери практикага багытталган окутуунун алкагында Бишкектеги БУУ Үйүнө барышты.

Визиттин жүрүшүндө студенттер Кыргыз Республикасында иш алып барган БУУнун агенттиктеринин, анын ичинде ЮНИСЕФ, ПРООН, БУУнун Качкындар боюнча жогорку комиссарынын башкармалыгы (УВКБ ООН) жана ЮНФПАнын мандаты жана негизги иш багыттары менен таанышышты. Өзгөчө көңүл туруктуу өнүгүү маселелерине, балдардын укуктарын коргоого, калктын аялуу катмарларын колдоого, миграциялык процесстерге жана демографиялык саясатка бурулду.

Агенттиктердин өкүлдөрү ишке ашырылып жаткан программалар, мамлекеттик органдар жана эл аралык өнөктөштөр менен өз ара аракеттенүү механизмдери, ошондой эле БУУ системасында стажировка жана кесиптик мүмкүнчүлүктөр тууралуу маалымат беришти.

Бул окуу визити көп тараптуу дипломатия боюнча билимдерди тереңдетүүгө, эл аралык уюмдардын ишин практикалык түшүнүүгө жана эл аралык кызматташтык менен глобалдык башкаруу чөйрөсүндө кесиптик компетенцияларды калыптандырууга өбөлгө түздү.