БАЭУнун «Эл аралык мамилелер» багытынын студенттери практикага багытталган окутуунун алкагында Кыргыз Республикасындагы Европадагы коопсуздук жана кызматташтык уюмунун (ЕККУ) Программалык кеңсесине барышты.

Визиттин жүрүшүндө ЕККУнун өкүлдөрү Уюмдун мандаты жана негизги иш багыттары, анын ичинде аймактык коопсуздук, чыр-чатактарды алдын алуу, демократиялык институттарды өнүктүрүү жана укуктун үстөмдүгү боюнча маалымат беришти. Өзгөчө көңүл Кыргыз Республикасында ишке ашырылып жаткан долбоорлорго, мамлекеттик органдар жана жарандык коом менен өз ара аракеттенүү механизмдерине, ошондой эле эл аралык программаларды практикалык жүзөгө ашырууга бурулду.

Студенттер аймактык коопсуздуктун заманбап чакырыктарын талкуулап, адистерге суроолорун берип, эл аралык уюмдардагы кесиптик мүмкүнчүлүктөр тууралуу маалымат алышты.

Бул окуу визити аналитикалык ой жүгүртүүнү өнүктүрүүгө, эл аралык институттар боюнча билимдерди тереңдетүүгө жана эл аралык коопсуздук менен дипломатия тармагында практикалык компетенцияларды калыптандырууга өбөлгө түздү.