Бүгүн биздин университетте U.S.-CAEF Alumni Associationнын аткаруучу директору жана Beginit регионалдык координатору Айсулуу Жолдошованын конок лекциясы өттү. Айсулуу өзүнүн таасирдүү кесиптик жолун баяндап, англис тилинен мугалимдиктен баштап долбоорлорду жана социалдык демилгелерди жетектөөгө чейинки тажрыйбасын бөлүштү. Ал SUSI Women’s Leadership Program программасына катышкандыгы анын лидерлик жана башкаруу көндүмдөрүн өнүктүрүүдө маанилүү этап болгонун айтып берди.

Лекцияда долбоор менеджментинин негизги аспектилери — команда башкаруу, лидерлик сапаттар, коммуникация жана фонд топтоо темалары камтылды. Айсулуу ошондой эле Борбордук Азиядагы аялдарды жана жаштарды колдоого багытталган BE NEXT жана SHEtalks сыяктуу өз долбоорлору жөнүндө айтып берди. Студенттер жеке өсүү мүмкүнчүлүктөрү тууралуу көбүрөөк маалымат алып, ийгиликтүү карьера курууга кеңештерди угушту.