Борбордук Азиянын Эл аралык университети
БАЭУнун «Эл аралык мамилелер» программасынын студенти жашыл экономика боюнча дебаттык тренингде байгелүү орунга ээ болду
Нургазиева Мээрим «Жашыл экономика жана туруктуу өнүгүү» темасындагы кросс-дебаттык тренингге катышты
31/1/26
IR
Борбор Азия Эл аралык у ниверситетинин «Эл аралык мамилелер» билим берүү программасынын 3-курсунун студенти Нургазиева Мээрим тандоодон ийгиликтүү өтүп, 2026-жылдын 31-январынан 1-февралына чейин өткөн «Жашыл экономика жана туруктуу өнүгүү» темасындагы эки күндүк кросс-дебаттык тренингге катышты.
Иш-чара Кыргыз экономикалык университети (КЭУ) тарабынан Борбор Азия университетинин (УЦА) колдоосу менен уюштурулуп, ар кандай университеттерден келген 40тан ашуун студентти бириктирди. Тренингдин жүрүшүндө катышуучулар кросс-дебат форматы, анын негизги эрежелери жана аргументация ыкмалары менен таанышып, командаларда практикалык машыгууларды өткөрүштү.
Экинчи күнү катышуучулар үч адамдан турган командаларды түзүп, толук форматтагы дебаттарга катышышты. Жалпысынан тогуз команда катышып, жыйынтыгында Мээримдин командасы экинчи орунду ээледи. Жеңүүчүлөргө сертификаттар жана акчалай сыйлыктар тапшырылды.
«Бул эки күндүк дебаттык тренинг мен үчүн абдан пайдалуу жана шыктандыруучу тажрыйба болду. Биз дебат форматын үйрөнүп, командаларда иштеп, практикалык тажрыйба топтодук. Эң башкысы — жаңы адамдар менен таанышып, жаңы билимдерди алдым. Бул тренинг мени биздин университетте да экология жана туруктуу өнүгүү темасына арналган ушундай дебаттарды уюштуруу идеясына шыктандырды», — деп бөлүштү Нургазиева Мээрим.
Мындай иш-чараларга студенттердин катышуусу алардын аналитикалык ой жүгүртүүсүн, аргументация жөндөмүн жана коом алдында сүйлөө көндүмдөрүн өнүктүрүүгө өбөлгө түзөт.
