Бардык сапар учурунда ЖОЖ жетекчилиги жана программанын башчылары менен жолугушуулар өттү: компьютердик технологиялар, кытай тилин үйрөнүү жана башка багыттар боюнча. Жолугушуулар абдан позитивдүү маанайда өтүп, студенттерди алмашуу программалары менен жиберүү, ошондой эле БАЭУнун мугалимдеринин жана кызматкерлеринин кесипкөйлүгүн жогорулатуу жаатында кызматташтыкты кеңейтүү боюнча макулдашууларга жетишилди.

Ошондой эле университеттеги административдик жана чарбалык иштер менен алектенген кызматкерлер менен жолугушуулар болду, делегация үчүн окуу жайды натыйжалуу башкаруудагы алдыңкы тажрыйбаларды үйрөнүү абдан маанилүү болду.

Айрыкча белгилөө керек, Тунхай университетинде окуган Кыргызстандан келген студенттер тырышчаак жана жыйынтыктары мыкты деп жогорку кадыр-баркка ээ. Делегация мүчөлөрү биздин студенттер биримдиктүү жана ынтымактуу экенин баса белгилешти.

Жалпысынан, БАЭУнун делегациясы Тайвандагы жогорку билимдин сапатына чоң таасир алганы, анын канчалык сапаттуу, жогорку технологиялуу жана динамикалуу экени жөнүндө абдан жакшы пикирде калды.