Борбор Азия Эл аралык университетинин (БАЭУ) «Эл аралык мамилелер» билим берүү программасынын студенттери үчүнчү чет тили катары араб тилин үйрөнүүнүн алкагында Эл аралык Кувейт университетине окуу визити менен барышты.

Визиттин негизги максаты студенттердин араб тилин үйрөнүүгө болгон мотивациясын жогорулатуу, аларды университеттин илимий-билим берүү чөйрөсү менен тааныштыруу жана университеттер аралык академиялык байланыштарды кеңейтүү болду.

Визиттин жүрүшүндө студенттер араб тили кафедрасынын окуу-методикалык фонддору, билим берүү ресурстары жана араб тилин чет тили катары окутуунун өзгөчөлүктөрү менен таанышты.

Практикалык бөлүктө студенттер университеттер аралык практикумга катышып, араб тилиндеги оозеки сүйлөө жана маданияттар аралык коммуникация көндүмдөрүн өнүктүрүүгө багытталган иш-чараларга катышты.

Мындай академиялык визиттер тилдик компетенцияларды өнүктүрүүгө, маданияттар аралык байланыштарды кеңейтүүгө жана жогорку окуу жайлардын ортосундагы академиялык кызматташууну чыңдоого өбөлгө түзөт.

Азыркы учурда эки университеттин ортосунда билим берүү жана илимий кызматташууну өнүктүрүүгө багытталган өз ара кызматташуу тууралуу меморандумга кол коюу боюнча сүйлөшүүлөр жүргүзүлүүдө.