2026-жылдын 5-ноябрында Борбордук Азия эл аралык университетинин (БАЭУ) «Эл аралык мамилелер» билим берүү программасынын студенттери үчүн эл аралык эксперт доктор Джордж П. Кундун (Dr. George P. Koon Jr.) онлайн конок лекциясы өткөрүлдү.

Чакырылган эксперт эл аралык мамилелер, эл аралык укук, саясий талдоо жана коопсуздук тармактарында 20 жылдан ашык кесиптик тажрыйбага ээ. Ал мурда Афганистанда АКШнын Коргоо министрлигинин жана НАТОнун улук саясий кеңешчиси жана аналитиги болуп иштеген. Ошондой эле Либерияда жана Иракта сот реформалары жана эл аралык кылмыш-жаза адилеттиги боюнча долбоорлорго катышкан.

Жолугушуу студенттерге эл аралык коопсуздук, геосаясат жана чыр-чатактарды жөнгө салуу маселелерин эл аралык адистин практикалык тажрыйбасы аркылуу тереңирээк түшүнүүгө мүмкүнчүлүк берди.

Лекция интерактивдүү форматта өтүп, студенттер талкууга активдүү катышып, экспертке суроолорун беришти.

Мындай жолугушуулар студенттердин аналитикалык ой жүгүртүүсүн өнүктүрүүгө, кесиптик дүйнө таанымын кеңейтүүгө жана БАЭУнун эл аралык академиялык кызматташтыгын чыңдоого өбөлгө түзөт.