Туура суроону коюу – бул 21-кылымдын чыныгы магиясы! Кээде жооптон да маанилүү суроо, анткени ал иликтөөнү туура багытка салат, критикалык ой жүгүртүүнү өстүрөт жана чыныгы илимий “движ”ди баштайт.

«Лингвистика. Англис тили» багытында өтө кызыктуу студенттик иш-чара болду — «Discovering Answers Through Questions: The Student Language Forum», ал жерде илимий конференция менен интеллектуалдык оюн биригип кетти. Баары гана англисче сүйлөндү, албетте!

Иш-чарага 1–3-курстун студенттери катышты. БАЭУнун вице-президенти И.С. Ниненко ачылыш сөзүндө айтты: суроолорду туура коюу – искусственный интеллект доорундагы must-have скилл.

Күндүн ичинде лингвистика жана тил окутуу методикасы боюнча сегиз доклад жасалды. Ар бир сөз сүйлөгөндөн кийин аудитория үч командага бөлүнүп, докладчыларга суроолорду жаадырып, докладчылар ар бир суроо үчүн упай берип, интеллектуалдык беттлдин жеңүүчүлөрү аныкталды.

Форумдун мыкты докладдары (добуш берүүдө):

🥇 1-орун — Шахида Метуева, Назима Асангалыева жана Фарида Санхурова «Code-switching and Why We Mix Languages» темасы менен

🥈 2-орун — Зухра Аданова, Аяна Капарова жана Адеми Маратова белгилүү полиглоттор жана алардын тил үйрөнүү ыкмалары жөнүндө доклад

🥉 3-орун — Нурсултан Исмаилханов менен Анна Морозова санариптик лексикография жана анын келечеги тууралуу, ошондой эле Жумакадырова Аяна менен Маслянова Карина сөз байлыгын өнүктүрүү боюнча

Форумдун модераторлору — 4-курс студенттери Вероника Галаева менен Татьяна Александер — иш-чаранын планга ылайык, чыныгы илимий жана кызыктуу өтүшүн камсыздашты.

«Лингвистика. Англис тили» багыты бардык катышуучуларга чоң ыраазычылык билдирет — мындай иш-чаралар чыныгы академиялык скиллдерди, критикалык ой жүгүртүүнү жана изилдөө жөндөмүн өстүрөт. Анткени ар бир суроо — чоң ачылышка кичинекей кадам!