13-октябрда БАЭУнун «Юриспруденция» билим берүү программасынын студенттери үчүн Эл аралык Кызыл Крест комитетинин Чыгыш Европа жана Борбор Азия өлкөлөрү боюнча аймактык укуктук координатору Жали Азизова онлайн-лекция өткөрдү.

Лекциянын жүрүшүндө эл аралык гуманитардык укуктун заманбап чакырыктары, куралдуу жаңжалдар шартындагы укуктун ролу жана эл аралык практиканын реалдуу кейстери талкууланды. Ошондой эле нормаларды имплементациялоо жана аларды практикалык колдонуу маселелерине өзгөчө көңүл бурулду.

Бул иш-чара келечектеги юристтердин кесиптик даярдыгын чыңдоого жана эл аралык укук тармагындагы билимдерин тереңдетүүгө маанилүү салым кошту.

Кыргыз Республикасындагы МККК миссиясына кызматташтык үчүн ыраазычылык билдиребиз.