Иш-чара «Аткаруу өндүрүшү» дисциплинасынын алкагында өткөрүлүп, студенттердин практикалык билимдерин тереңдетүүгө багытталды. Жолугушуунун жүрүшүндө адистер Кыргыз Республикасындагы аткаруу өндүрүшүнүн тартиби жана өзгөчөлүктөрү тууралуу кеңири маалымат беришип, сот аткаруучулардын ишинин негизги этаптарын түшүндүрүштү, ошондой эле практикалык кеңештери жана процесстерди санариптештирүү боюнча заманбап ыкмалары менен бөлүшүштү.

Өзгөчө көңүл практикалык мисалдарга бурулуп, бул студенттерге келечектеги кесиптик ишмердүүлүктү жакшыраак түшүнүүгө жардам берди. Катышуучулар активдүү суроолорду берип, талкууларга катышышты.

Иш-чарага Токмок шаарынын сот аткаруучулары Арзымат Жеенкулов жана Нурсултан Итахун катышты.

Мындай жолугушуулар келечектеги юристтердин кесиптик компетенцияларын өнүктүрүүгө жана теория менен практиканы айкалыштырууга өбөлгө түзөт.