Форумдун катышуучулары жаштар уюмдарынын өкүлдөрү болушту. Бул форум Жаштарды өнүктүрүү институтунун, Германиянын Элчилигинин жана Токмок Жаштар Кенешинин колдоосу менен уюштурулду. Айгүл Абдукаримова XXI кылымдын жаңы көрүнүшү болгон Акылдуу же туруктуу шаарлар тууралуу айтып берди, ал дүйнөдөгү үч заманбап тенденцияны чагылдырат:

а) шаарлашуунун ылдамдап жаткан процесси;

б) экономиканын жана коомдун санариптешүүсүнүн активдүү жүрүшү;

в) шаарлардын туруктуу өнүгүүсүнө көңүл буруунун өсүп жатышы.

Бул тенденциялар шаар агломерациясынын мейкиндиктеринде кесилишет. Ал «акылдуу шаар» концепциясы төрт компонентти камтыйт деп белгиледи: жашоо сапаты – негизги максат; «акылдуу шаар» программаларын иштеп чыгууда, көзөмөлдө жана ишке ашырууда калктын кеңири катышуусу; шаарды туруктуу өнүктүрүү; экономикада, социалдык жана маданий чөйрөлөрдө санариптик жана башка технологияларды кеңири колдонуу. Көп изилдөөчүлөрдүн ою боюнча, азыркы учурда «акылдуу шаар» концепциясы «акылдуу туруктуу шаар» (Smart Sustainable City) концепциясына айланып баратат, мында басым маалыматтык-коммуникациялык технологияларга, адам капиталын өнүктүрүүгө гана эмес, туруктуу өнүгүүгө жетүүгө да жасалат.