20-февраль күнү Борбор Азия Эл аралык Университети (БАЭУ) 11-лицейдин окуучуларын жылуу тосуп алып, алар үчүн кызыктуу жана ачылыштарга толгон күн тартуулады! Келгендер окуу мүмкүнчүлүктөрү, окуу багыттары, студенттик жашоо жана БАЭУну сунуш кылган келечектер менен таанышышты.

Тааныштыруу бөлүгүнөн кийин конокторду жайлуу кофе-брейк күтүп турган. Бул жерде алар окутуучулар жана студенттер менен эркин баарлашып, кызыккан суроолоруна жооп алышып, БАЭУнун достук атмосферасын жакындан сезишти.

Күндүн эң кызыктуу окуясы — интерактивдүү Kahoot-викторинасы болду. Эң активдүү жана билимпоз катышуучулар — 11 жеңүүчү — эксклюзивдүү жаңы кампуска экскурсия утуп алышты! Алар заманбап аудиторияларды, эс алуу бурчтарын жана инновациялык зоналарды биринчилерден көрүшүп, жакында бул жай студенттик жашоонун жүрөгүнө айланаарын билишти.

Бул күн балдарга чоң таасир калтырып, жаңы максаттарга шыктандырды. Бардык конокторго чоң ыраазычылык билдиребиз жана көпчүлүгүңөрдү келечекте биздин катардан көрүүгө үмүттөнөбүз!