2024-жылдын 23-мартында Борбордук Азия Эл аралык университетинде «Лингвистика. Английский язык» академиялык программасынын демилгеси менен Эл аралык сүйлөө күнү кароо сынагы “Speak to Inspire: the Battle of Words” өттү. Сынакка Токмок шаарынын мектеп окуучулары, БАЭУнун Гуманитардык-техникалык колледжинин студенттери жана English Access Microscholarship программасынын катышуучулары катышты.

Сынактын катышуучуларын «Лингвистика. Английский язык» программасынын жетекчиси Алёна Евгеньевна Максакова жана программа доценти Роман Викторович Вальваков куттуктап, Эл аралык сүйлөө күнүнүн маанилүүлүгүн белгилешти. Алар сөздүн күчү бар экенин эске салып, коомчулукка чыгып, өз ойлорун жана кыялдарын бөлүшүүгө аракет кылгандарды баалашты.

Катышуучулар «Өзүнө ишеним», «Ийгилик жолундагы катачылыктар», «Кесип тандоо», «Вегетариандык», «Ой жүгүртүү жана мээ» жана башка актуалдуу темалар боюнча өз ойлорун, идеяларын бөлүшүштү. Бардык сөздөр жаркын, эсте калаарлык жана шыктандыруучу болду.

Сынактын жыйынтыгын калыстар тобу – Р.В. Вальваков, Е.В. Дурова жана А.Т. Абдылдаева 10 критерий боюнча баалап, жеңүүчүлөрдү аныкташты: 1-орунду ГТК студенти Давран Баратов, 2-орунду В.Ф. Марков атындагы №1 орто мектептин окуучусу Лилия Лулакова, 3-орунду ГТК студенткасы Шахбано Шах ээледи. Жеңүүчүлөргө күбөлүктөр жана баалуу белектер тапшырылды. Бардык катышуучулар катышуучу күбөлүктөрүн алышты.

Иш-чара кызыктуу гана эмес, жылы жүрөктүү болду, анткени 4-курс БАЭУнун студенткалары Чолпон Купсулдаева баштаган мыкты ведущий жана Ажара Жолдошбекова, Зияда Намасбекова, Анна Силина сыяктуу волонтерлордун жардамы менен өттү. Мындан сырткары, катышуучулар үчүн кофе-брейк жана кызыктуу оюн уюштурулду.

Жеңүүчүлөрдү жана катышуучулардын баарын чын дилибизден куттуктайбыз! Сиздердин мыкты оратордук чеберчилигиңиздер жана кызыктуу ойлоруңуздар баарыбызды шыктандырат. Кийинки сүйлөө сынагына кызыгуу менен күтүп жатабыз жана өлкөнүн бардык мектеп окуучуларын катышууга чакырабыз!